Талька і наваколлі

Гэты сайт створаны для тых:

- хто жыве ў нашым краі і хоча жыць тут лепей; - цікавіцца прыродай, гісторыяй краю, навінамі сённяшняга дня; - хоча адпачываць у нашай мясцовасці, хадзіць у паходы, збіраць ягады i грыбы; - займаецца краязнаўствам; - мае патрэбу даць абвестку пра свой бізнес ці гаспадарку; - хоча знайсці аднадумцаў, сяброў.

краязнаўчы сайт

Талька

Спіс рэпрэсіраваных людзей

Фотагалерэя

Гасцёўня

Зялёны маршрут

Excursion "Talka and its environs"

____________________________________________

31.01.2008г.

Знайшлося фота Суцінскай каплічкі! Яго даслаў на сайт Крэс Віктар з Менску . Матуля Віктара Панятоўская Марыя Віктараўна родам з Суціна. Фота зроблена ў 2000 годзе. Падрабязнасці

____________________________________________

24.01.2008г.

На сайт прыйшло пісьмо ад Дзяніса Салаша, які просіць даслаць, калі ў каго захавалася, фота Суцінскай каплічкі, якая згарэла 2 гады таму. Шаноўныя землякі! Можа хто з суцінцаў можа дапамагчы? Мы таксама былі б рады займець такое фота.

____________________________________________

12.01.2008г.

Грамадскае аб'яднанне "Блізкая гісторыя" падвяло вынікі конкурса па гісторыі для школьнікаў Беларусі "Гісторыя вачыма хатняга фатографа".

Вучаніца 11 класа нашай школы Камароўская Марына атрымала дыплом ІІ ступені за сваю працу "Фатаграфія - жывая гісторыя"

Падрабязнасці

____________________________________________

04.01.2008г.

3 студзеня вучні 5-7 класаў ездзілі ў Тэатр юнага гледача на прэм'еру спектакля "Шчаўкунчык", а назаўтра старшакласнікі паглядзелі ў Купалаўскім "Паўлінку". Вельмі спадабалася!

Гэтыя паездкі дапамог ажыццявіць наш фундатар Лосеў Валянцін Мікалаевіч, кіраўнік кампаніі "Чысты бераг". Вялікі яму дзякуй!

Падрабязнасці

____________________________________________

30.12.2007г.

Віншуем усіх гасцей з Калядамі, Божым Нараджэннем і Новым 2008 годам!

Жадаем моцнага здароўя, аптымізму, натхнення ў працы на карысць Бацькаўшчыны і асабістага шчасця.

30 снежня талькаўскія краязнаўцы калядавалі ў вёсцы Суцін.

Падрабязнасці

____________________________________________

14.12.2007г.

____________________________________________

14.12.2007г.

Еўрапейскі клуб настаўнікаў Беларусі абвясціў конкурс "Еўрапейскае мінулае, сучаснае і будучае маёй малой радзімы".

Па матэрыялах сайта і выніках свята "Наш край" школьнікі-краязнаўцы нашай школы падрыхтавалі праект на гэты конкурс - экскурсію "Талька і наваколлі"

____________________________________________

13.12.2007г.

На сайт прыйшло пісьмо ад Франца Іванавіча Корзюка. Ён паведаміў нам невясёлую вестку - у Суціне памёр яго бацька, а наш добры знаёмы Ян Віктаравіч Корзюк.

Мы выказваем спачуванне Станіславе Адольфаўне, дзецям, унукам, ўсім сваякам і сябрам Яна Віктаравіча.

Успамiны пра Яна Віктаравіча Корзюка

____________________________________________

09.12.2007г.

Свята "Наш край" адбылося!

Падведзены вынікі краязнаўчых спраў за 2007 год у выглядзе пяці конкурсаў.

Дзякуй усім, хто рыхтаваўся і прымаў удзел!

Уся вартая інфармацыя, што была сабраная, ў бліжэйшы час будзе размешчана на сайце. З'явяцца новыя закладкі: "Маршруты экскурсій", "Фальклёр", "Малыя вёскі", папоўніцца "Фотагалерэя", "Прадпрыемствы".

Падрабязнасці

____________________________________________

старонка 1 2

Талька - слаўная рачушка,

Грунт яе пясчаны,

Бераг мяккі, як падушка,

Дзірваном засланы.